اشهر 40 كدبه بيكدبها الولد ع البنت

ازيكم عاملين ايه
طبعا كلنا عارفين ايه هما شويه الكلام اللى بيقوله
الولد للبنت وطبعا كلنا عارفين برده انهم مش 40 بس
دول 400000000000000000000 كدبه
يلا نشوف اشهرهم دلوقتى




1- بصراحه انتى تستاهلى واحد احسن منى : يقولها الولد وعينه فى الأرض وبيحاول يبان بصورة الفارس المضحى اللى ممكن يسيب حبيبته لواحد تانى احسن منه يقدر يسعدها.

2- المشكله عندى مش عندك.. انا مش حابب فكرة الجواز: يقولهالك الولد ويبقى جواة عارف انه ممكن يتجوز بكرة الصبح بس واحدة تانيه غيرك

3- اهلى ضاغطين عليا علشان اتجوز بنت عمى او بنت خالتى او بنت الجيران: هوا متخيل انك ممكن تصدقى اننا واحنا فى سنة 2010 ممكن حد يصدق ان فيه ولاد اهاليهم بيجوزوهم غصب عنهم

4- خلينا اصحاب احسن : قولي له وانتى ماشيه وسايباة ان عرضه نوع من البقشيش العاطفى لا ترضاة اى بنت عندها كرامه

5- علاقتنا مافيهاش كيميا: قوليله وليه سمحت لعلاقه مافيهاش كيميا انها تبتدى اصلا؟؟

6- مش هاقدر اكمل معاكى لأنى لقيت الإنسانه اللى كنت بدور عليها: ماترديش بلسانك ومش هاقولت تردى ازاى

7- انا مش قادر احبك زى مانتى بتحبينى

8- انا مش عايز اظلمك معايا انا لسه قدامى وقت علشان اكون نفسى

9- انا هاقفل دلوقت علشان داخل على لجنه

10- معلش الموبايل فصل شحن

11- كنت قافل الموبايل اصلى كنت فى مييتنج

12- مارديتش اصلى كنت عند المدير

13- مارديتش كنت سايق

14- انا فى الطريق بس الكوبرى واقف

15- مقفلتش بس كنت فى حته مافيهاش شبكه

16- لا والله كلمتك امبارح بس موبايلك كان مقفول: ولو اصريتى انك ماقفلتيهوش هايقول الله يخرب بيت الشبكات البايظه دى.

17- واحد يتصل بيكى ويقولك مساء الخير لو سمحتى انا لقيت عندى ميسد من الرقم دا

18- مابتصلش علشان واقفين عنى الخدمه لحد ما ادفع الفاتورة او مش معايا رصيد لو كارت

19- طيب كنت قافل موبايلك ليه يقولك كنت فى عزا ابو واحد زميلى

لما يحب يقفل معاكى فجأة لو هربان منك وكلمتيه من نمرة غريبه ورد عليكى: بصى لو الشحن فصل هاكلمك تانى.. تيت تيت تيت وطبعا معروفه انه لا الشحن خلص ولا هايكلمك تانى

20- عقلك اكتر حاجه عاجبانى فيكى: غالبا بيقولها لواحدة وحشه

21- على فكرة انتى اكتر واحدة فهمتنى فى حياتى كلها: قصدة اكتر واحدة عرفت اسيطر عليها

22- لسه جميله زى اول يوم شوفتك فيه

23- عمرى ماهازعلك فى حياتى

24- انا مستعد اتجوزك دلوقتى حالا : تظاهرى بالموافقه الجريئه لتكتشفى مدى عمق الكذبه

25-لما ببص فى عنيكى مبقدرش اكدب عليكى

26-عندك اجمل عنين فى الدنيا: يقولها مع كثير من التسبيل

27-لعلمك الإختلاف اللى مابينا هوا اللى هايقربنا من بعض اكتر

28-حتى وانتى عندك 80 سنه هاتفضلى جميله وهافضل احبك

29- بينا حاجه حلوة مش عارف هيا ايه: بداية التلميح

30-صدفه غريبه, عايز اقولك انى انا كمان مابسمعش غير فيروز: فقط اسأليه عن اسم اغنيه واحدة لفيروز بتعجبه لتكتشفى ان اخرة فيروز اناناس

31- معاكى بحس انى طفل من جديد: يقولها لأنه عارف انه بيلعب

32- دى مجرد صديقه تصدقى انى حتى مش فاكر اسمها.

33- اهلى بيموتوا فيكى وماما نفسها تشوفك

34- عمرى ما هاتضايق انك بتقبضى مرتب اكبر من مرتبى

35-انتى اتجننتى؟؟ اعرف واحدة غيرك؟؟: وبينه وبين نفسه واحدة بس؟؟

36- اول واحد حبيتها ماتت فى حادثه/ اتجوزت وسابت مصر/ خانتنى مع اعز اصدقائى/ اهلها رفضونى: اى حاجه تقطع القلب وخلاص

37- صدقينى لما اقولك ان كل حاجه ماشيه صح

38- يا حبيبتى اعملى اللى انتى عايزاة: لما يكون اللى انتى عايزاة هوا اللى هوا عايزة

39- ماعنديش مشكله فى فرق السن اللى مابينا

40- مش هاينفع تيجى معانا الخروجه كلها رجالى



منقوووول

مشكورة ع المشاركة الجامدة دي
بس خلي بالك انا لما بتكلم براعي شعوركو فخلي بالك ان انا هنا وراعي شعوري
ههههههههههههههههههههههه
وبعدين الصبيان الكذابين بس هما اللي بيعملو كده ومش كل الشباب كده ممكن 99 منهم بس مش الكل بردو
وطبعا مش هنسى اقولك انو على اد ما الموضوع عجبني وحسسني ان البنات لسه فيهم شوية عقل
على اد ما عرفني انكو لسه معرفتوناش على حقيقتنا
لان طبعا هما مش اربعين بس
هههههههههههههههههههههههه
بس طبعا مش هقول الباقيين انا مهما كان منهم مينفعش اخونهم قدام الاعداء
هههههههههههههههههههه
ميرسي بجد يا ريرو

هههههههههههههههههه
ميرسى على مرورك يا عسل

هههههههههههههههههههههههه
الموضيع جميل جدا

ثانكس يا ريرى