الحب المرعب

يمكن هتستغربو ان الاسم شبه معاد لكن الموضوع بجد مرعب
قصة ((الحب المخيف))اللي ريرو كتبتها فكرتني بحاجة كنت قريتها من كام سنة كده بس انا بصراحة مقتنع بيها جدا
قريت بحث مرة عن اسوا درجات الحب ايه اسوا درجات الحب اللي ممكن يوصلها الانسان ؟
طبعا اول حاجة جت ف بالي هي الهوس
كنت متخيل ان مش ممكن يكون في حاجة اسوا من كده اكيد مفيش حاجة اسوا من ان الواحد يحب حد لدرجة الهوس
لكن طلعت غلطان
الهوس مش اسوا في الاسوا منه
لما الواحد بيحب حد جدا ويوصل لدرجة الهوس بتبقى حياته بتتمحور حول الشخص اللي هو مهووس بيه
بيلبس زيه ويتكلم زيه ويتصرف زيه ويجمع صورة ويحاول يوصله وممكن يلغي شخصيته خالص ويحاول يقلد الشخص ده
كل ده مش اسوا حاجة
انما الاسوا من كده ان الواحد يوصل للي بعد كده
لما الانسان بيوصل للمرحلة دي العقل الباطن بيبدا يحس بنوع من الانقياد والعبودية اللي هو بيكرهم بطبعه وفطرته
فبيحاول العقل الباطن انه يوجه تصرفات الانسان بعيد عن تاثير الشخص اللي هو مهووس بيه
لكن لما بيفشل ف كده بيبدا يحاول يوجه الانسان انه يتخلص خالص من الشخص ده
بيبدا يحاول يبعد عنه لكن بما ان العقل الباطن مش بيتحكم ف كل تصرفاتنا فمش بيعرف يخلي الواحد يبعد عن حد بيحبه بالجنون ده فبيبدا ياذيه لكن بردو الانسان مش بيستجيب لرغبات عقله الباطن ف انه ياذي حد بيحبه
وساعتها العقل الباطن بيبدا يعمل اخر محاولاته واخطرها
انه يوجه بكل قوته الانسان الى انه يتخلص من الشخص اللي هو بيحبه وبيقلده وبيتبعه ف كل حاجة
العقل الباطن بيخلي كل تركيز الانسان انو يتخلص من تبعيته للشخص ده وانه يتخلص منه
حتى لو وصلت انه يقتله
!!!!!!!!!!!!!!!!!!!!!!!!!!!!!!!!!!!!!!111
بيبدا يزرع الفكرة دي لحد ما الانسان بيقتنع بيها ويبدا فعلا ياذي الشخص ده عشان يتخلص منه


وكده يبقى اتجنن خالص ومش بعيد يكمل حياته ف الخانكة او ف السجن لو قدر عقله الباطن يتغلب عليه ويخليه ينفذ المطلوب




انا عن نفسي مش عاوز لا احب ولا اتحب
خلينا كده ف السليم والواحد لسه بعقله متجننش

شفتو حب مرعب كده قبل كده؟؟؟؟؟؟؟؟؟؟؟؟؟؟؟؟؟

ههههههههههههههه
بس بجد ممكن الشخص يوصل للدرجه دى
ده ايه الهبل ده
ده فعلا اسوأ من الهوس

انا معاكي هو فعلا هبل لكن انا مقتنع بالكلام ده
ده كلام علمي مبني على ابحاث سيكولوجية ليها علاقة بنفسية الانسان وسيطرة عقله الباطن على جزء كبير من تصرفاته
كان نفسي اجيبلكو المصدر اللي قريت منه الكلام ده بس اصلي قريته من سنتين تلاتة ومش فاكر المصدر خالص

لا انا مش قصدى ان الكلام ده هبل
انا بقول ان الشخص اللى يعمل كده يبقى اهبل
لان اللى يحب حد مش ممكن يقتله

حلوه اوى القصه يا حازم وفعلا بتحصل يا ريرو

انا معاكي انا شايف انها ممكن تحصل بس اساسا الشخص السوي مش ممكن يوصل للمرحلة دي خالص

ايوة الحاجات دى بتحصل للى عندهم انفصام فى الشخصيه

ياجامد انت يا بتاع انفصام الشخصية
ههههههههههههههههههههههههه
انا مش بتريء بس هي طالبة معايا ضحك
بالمناسبة حد شاف فيلم (the crush)
بردو فيه نوع مخيف من انواع الحب 

لا مشفتهوش
ويا عم يارب تفضل مبسوط كده على طول

القصة جامده جدا
بس على فكره اللى بيحب حد لايمكن يقتله
وانا مع ريرو فى رايها ده

ممكن هي آراء
وميرسي ع مرورك يا جميل